Kur do të hapet transporti me autobusë nga Kosova për në vendet e tjera: Flasin nga Stacioni i Autobusëve

Pandemia Covid-19 ka shkaktuar telashe të mëdha për të gjithë njerëzit. Me shfaqjen e saj janë paralizuar shumë veprimtari, ndër të tjerë edhe qarkullimi i njerëzve dhe automjeteve.

Por, tani, pas lehtësimit të masave, qytetarët duan të dinë se kur do të mund ta përdorin transportin tokësor, përkatësisht autobusët për të udhëtuar nga Kosova për në shtetet e tjera.

Për këtë pyetje kanë dhënë përgjigje zyrtarë të Stacionit të Autobusëve, të cilët kanë thënë se ata tashmë janë të gatshëm t’i nisin këto udhëtime.

“Qysh sot jemi të gatshëm për qarkullimin ndërshtetëror. Vetëm po presim një reflektim nga institucionet. Duke u bazuar në informacionet që kemi nga regjioni, tashmë kanë filluar ta bëjnë hapjen dhe ne si vend duhet gradualisht t’u bashkohemi këtyre rrethanave”, ka thënë në RTK drejtori i Stacionit të Autobusëve  Luan Hoti.

(B. D.: ‘Epoka e re’)