Kur kanë kaluar rreth 10 ditë nga koha kur legjenda e futbollit Diego Armando Maradona mbylli sytë përfundimisht, Napoli ka vendosur ta përjetësojë emrin dhe kujtimin e tij në stadiumin e qytetit.

Një propozim i bërë mbrëmjen e 25 nëntorit nga presidenti i klubit të Napolit, Aurelio De Laurentiis dhe kryetari i bashkisë, Luigi de Magistrit, u pranua zyrtarisht të premten nga këshilli komunal, i cili unanimisht votoi për t’i dhënë emrin stadiumit “Diego Armando Maradona”.

Stadiumi i Napolit nuk do të quhet më “San Paolo”, por “Diego Armando Maradona” në nderim të kujtimit të legjendës argjentinase, që shkroi historinë me klubin napolitan.