![](https://www.epokaere.com/wp-content/uploads/2023/07/IMG_1239.jpeg)
Stoltenberg jep lajmin e madh: Turqia do të mbështesë pranimin e Suedisë në NATO
10 korrik 2023
| 22:12
Presidenti i Turqisë, Recep Tayyip Erdogan, është pajtuar që të mbështesë anëtarësimin e Suedisë në NATO.
Kështu tha më 10 korrik shefi i aleancës ushtarake perëndimore, Jens Stoltenberg, që tha se Erdogan do të dërgojë aplikimin e Stokholmit për anëtarësim në NATO te Parlamenti turk për ratifikim.
Kjo sipas Stoltenbergut u arrit pas bisedimeve që zhvilloi në Vilnius të Lituanisë me Erdoganin dhe kryeministrin suedez, Ulf Kristersson.
“Kjo është ditë historike”, tha Stoltenberg gjatë një adresimi për media.