Stoltenbergu dhe Lajçaku pas marrëveshjes për targat: Zgjidhja politike afatgjatë, interes i përbashkët
Sekretari i përgjithshëm i NATO-s, Jens Stoltenberg, ka pritur në takim të premten të dërguarin e special të BE-së për dialogun Kosovë-Serbi, Miroslav Lajçak.
Stoltenbergu ka thënë se me Lajçakun ka diskutuar për shtensionimin e situatës në veri të Kosovës.
“Diskutuam me Lajçakun për marrëveshjen për de-eskalim të situatës në veri të Kosovës. NATO-ja vazhdon të ofrojë ambient të sigurt dhe lirinë e lëvizjes. NATO-ja dhe BE-ja kanë interes të përbashkët në zgjidhje politike afatgjatë për rajonin”, ka shkruar Stoltenbergu në llogarinë e vet në “Twitter”.
Discussed with #EU Special Rep @MiroslavLajcak the arrangement to de-escalate tensions in north of #Kosovo. @NATO_KFOR continues to ensure a safe & secure environment & freedom of movement. #NATO & the EU have common interest in lasting political solution in the region. pic.twitter.com/jOPSNAc3qd
— Jens Stoltenberg (@jensstoltenberg) October 1, 2021