Shkruan: Astrit Gashi

Festimet e Ditës së Flamurit nga adoleshentët në Prishtinë dhe Shkup, si dhe aktet vandale që kanë ndodhur, duhet të hetohen me kujdes dhe seriozitet. Është e qartë se të miturit janë keqpërdorur nga grupe të nën-tokës sllave, të cilat kërkojnë të krijojnë tensione artificiale dhe përçarje mes popujve.

Është e rëndësishme të theksojmë se djegia e flamujve apo shfaqja e akteve të dhunshme nuk përbën pjesë të traditës sonë kombëtare dhe nuk pasqyron vlerat që ne përfaqësojmë si shoqëri. Shqiptarët historikisht kanë treguar respekt dhe tolerancë ndaj kulturave të tjera dhe kanë ruajtur gjithmonë vlerat e bashkëjetesës dhe paqes.

Veçanërisht, djegia e flamurit të Lekës së Madh, një figure historike që lidhet me trashëgiminë tonë të përbashkët si princ i Maqedonisë antike, është një akt që nuk përputhet me respektin dhe nderimin ndaj historisë sonë rajonale. Aleksandri i Madh është një simbol i përbashkët kulturor dhe historik, i cili duhet të shërbejë si urë lidhëse, jo si mjet ndarjeje.

Institucionet përkatëse kanë një detyrë të rëndësishme: të edukojnë të rinjtë mbi rëndësinë e tolerancës, bashkëpunimit dhe ruajtjes së vlerave tona kombëtare dhe kulturore. Shqiptarët nuk janë vandalë; kjo nuk është dhe nuk ka qenë kurrë kultura jonë! Përmes dialogut dhe mirëkuptimit, mund të ndërtojmë një të ardhme më të mirë, duke qëndruar larg provokimeve që synojnë destabilizimin e rajonit.

Është koha të ndalojmë përhapjen e nacionalizmit romantik dhe të përqendrohemi në promovimin e paqes dhe stabilitetit, që janë thelbi i vlerave tona kombëtare dhe qytetëruese.