Thomas Strakosha që nga janari mund të kalojë në Premierë Ligë. Tabloidi britanik “The Sun” raporton se gardiani 26-vjeçar shqiptar nuk ka ndër mend të rinovojë me Lazion dhe po përgatitet për t’u larguar me parametra zero në fund të sezonit.

Megjithatë largimi nga kryeqyteti i Romës mund të vijë që në janar, pasi klubi i Newcastle Unitedit është vënë në lëvizje dhe ka treguar gatishmërinë për të paguar edhe një shifër simbolike në arkat e Lazios, për ta marrë menjëherë portierin.

Klubi anglez ka kaluar në pronësinë e fondit arab PIF dhe pritet të investojë fuqishëm për ta shmangur rënien nga Premiera Liga e më pas nga sezoni i ardhshëm për ta synuar ngjitjen në vendet e kreut të renditjes.

Strakosha shihet si zgjedhja e duhur në portë, duke marrë në konsideratë faktin që portieri gardiani shqiptar ka shumë përvojë në Serinë A, teksa para ardhjes së Reinës ishte ndër më të spikaturit.