Kryetari i partisë PEK, Milaim Zeka, ka thënë në emisionin DPT te Fidani në T7, se 26-vjeçari që u vetëvra në Qendrën e Studentëve ishte viktimë e luftës politike. “Dyshimet e mia janë që intervenimi i Lutfi Hazirit ishte problemi që nuk u la të dilte Agoni nga karantina. Behgjet Pacolli ia pa sherrin presidentit Thaçi. Në rastin konkret këta kanë dashtë me godit Hazirin, duke thënë se ja që kryetari i Gjilanit po intervenon, por nuk e lejojmë. Duket që është hakmarrje politike. Agon Musliu ishte student shembullor. Kam informata se 147 persona ishin futur në Kosovë së bashku me atë. Pse disa u lanë të lirë. Shteti e shtyu drejt vetëvrasjes një të ri”, ka thënë Zeka.

(B. D.: ‘Epoka e re’)