Pirja e duhanit vetëm një cigare mund të shkurtojë jetëgjatësinë tuaj me rreth 20 minuta, zbulon një studim shkencor.

Studiuesit nga Kolegji Universitar i Londrës (UCL) analizuan të dhënat nga Studimi i Mjekëve Britanikë dhe Studimi i miliona grave për të arritur në përfundimin e mësipërm.

Si ndikon pirja e duhanit në jetëgjatësinë?

Sipas tyre, reduktimi i jetëgjatësisë u shfaq më i madh për gratë me një humbje prej rreth 22 minutash krahasuar me burrat që humbën rreth 17 minuta jetëgjatësi për çdo cigare të tymosur.

Studimi është publikuar në “Addiction” .

Ky vlerësim është pothuajse dyfishi i vlerësimit të vitit 2000 të botuar në British Medical Journal (BMJ), i cili zbuloi se një cigare e vetme duket se shkurton jetën e një personi mesatarisht me 11 minuta. Megjithatë, kjo bazohej vetëm në provat që përfshinin burra.

Dallimet midis individëve

Studiuesit theksojnë se ky vlerësim mund të ndryshojë midis individëve, gjë që është një nga kufizimet e studimit.

Megjithatë, mbetet e qartë se të gjithë duhanpirësit përfitojnë nga lënia e duhanit “pavarësisht moshës së tyre” për sa i përket shëndetit dhe jetëgjatësisë, theksojnë studiuesit.

“Rreziqet nga pirja e duhanit grumbullohen gjatë gjithë jetës dhe ky rrezik nuk rritet në mënyrë lineare, por në mënyrë eksponenciale”, theksojnë ata.

Një shkak i parandalueshëm i vdekjes

Sipas Organizatës Botërore të Shëndetësisë (OBSH), duhani është “shkaku kryesor i parandalueshëm i sëmundjeve dhe vdekjeve në botë”.