Stuhia tropikale “Beryl” po përfshin Teksasin me erëra të forta dhe shi të dendur, duke mbyllur portet e naftës, duke anuluar qindra fluturime dhe duke lënë më shumë se 2 milionë shtëpi dhe biznese pa energji elektrike. Stuhia tropikal arriti në tokë në qytetin bregdetar të Matagorda, Teksas herët këtë mëngjes, duke goditur bregdetin me stuhi të rrezikshme dhe reshje të mëdha shiu, tha Qendra Kombëtare e Uraganeve të SHBA (NHC).

Stuhia, e cila pritet të dobësohet më tej ndërsa lëviz në brendësi të tokës, hapi një rrugë shkatërruese përmes Xhamajkës, Grenadës, Shën Vincentit dhe Grenadineve javën e kaluar, duke vrarë të paktën 11 njerëz dhe duke shkatërruar ndërtesa.

Në Teksas, Sherifi i Qarkut Harris Ed Gonzalez tha sot në një postim në platformën e mediave sociale X se informacioni fillestar është se një person vdiq kur një pemë ra në një shtëpi. Në Teksas, shteti më i madh prodhues i naftës dhe gazit në SHBA, industria e energjisë u përgatit për kalimin e Beryl-it, me stuhinë e fuqishme që ngadalësoi aktivitetin e rafinerisë dhe çoi në evakuimin e stacioneve gjeneruese.

Pas paralajmërimeve se mund të shndërrohej në një stuhi vdekjeprurëse për komunitetet, banorët nxituan të mbulonin dritaret dhe të grumbullonin karburant dhe furnizime të tjera thelbësore. Para agimit, erërat e forta dhe shiu i rrëmbyeshëm goditën qytete duke përfshirë Galveston, Sargent, Lake Jackson dhe Freeport, sipas pamjeve të transmetuara nga rrjetet televizive.

Houston Fire Department successfully requested a man on State Highway 288, between I-45 in downtown Houston and Freeport, Texas, United States 🇺🇸

▪︎ 8 July 2024 ▪︎#Beryl #BerylHurricane #Hurricane #HurricaneBeryl #HurricaneSeason #Houston #Texas pic.twitter.com/Qid3QR01X2

— DISASTER TRACKER (@DisasterTrackHQ) July 8, 2024