Ministrja e Jashtme e Suedisë, Ann Linde, e ka nënshkruar aplikimin për anëtarësim në NATO.

Ajo ka thënë se aplikimi mund të marrë kohë deri në një vit.

“Kjo është diçka e madhe dhe serioze. Duket sikur kemi arritur në përfundimin më të mirë për Suedinë. Nuk e di sa do të marrë kohë aplikimi jonë, por e kemi llogaritur se mund të marrë deri në një vit. Aplikimi do të dorëzohet këtë javë bashkë me atë të Finlandës”, ka thënë Linde.

Ndërsa kryeministrja e Suedisë, Magdalena Andersson, ka thënë se NATO është mënyra më e mirë për garantimin e sigurisë së Suedisë.

“Anëtarësimi në NATO është mënyra më e mirë për të garantuar sigurinë e Suedisë në kohën e mjedisit të sigurisë të ndryshuar rrënjësisht pas luftës së Rusisë kundër Ukrainës, e cila filloi në shkurt”, ka thënë ajo.