Xhiroja e 14-të e Superligës së Kosovës në futboll ka vazhduar edhe sot.

Në Suharekë është luajtur ndeshja e parë e ditës, derisa në kryeqytet, Prishtina i bën konak Ballkanit.

Suhareka e Ferizaj janë ndarë në paqe pas 90 minutave, me sfidën që u mbyll pa gola.

Me pikën e fituar, Suhareka mbete në pozitën e pestë të tabelës, me 19 pikë të tubuara në 14 ndeshje.

Ndërsa, në anën tjetër, Ferizaj po ashtu nuk lëviz nga pozita e nëntë në tabelë, me 15 pikë të grumbulluara.

Xhiron e ardhshme, Suhareka i shkon Feronikelit ’74 në “Rexhep Rexhepi”.

Ferizaj po ashtu do të udhëtojë, për te Llapi i Tahir Batatinës.