![](https://www.epokaere.com/wp-content/uploads/2024/08/IMG_4149.jpeg)
Suhareka mposht Dukagjinin
Klubi futbollistik “Suhareka” e ka shijuar fitoren e parë në Superligën e Kosovës në futboll, të shtunën në kuadër të javës së dytë, duke mundur Dukagjinin e Klinës, me rezultat 3-1.
Pjesa e parë mes këtyre dy skuadrave nuk ka prodhuar asnjë gol, derisa në të dytën erdhën katër gola.
Mevlan Zeka (53’) zhbllokojë ndeshjen duke kaluar në epërsi skuadrën nikoqire prej 1-0. Mirëpo, gëzimi i Suharekës ishte i shkurtër pasi katër minuta më vonë Berisha barazoi shifrat në 1-1, duke e rikthyer në lojë skuadrën nga Klina.
Jakup Berisha (69’), më një gol të bukur kalojë për të dytën herë në epërsi Suharekën, derisa goditjen e fundit klinasve ua dha Mevlan Zeka (90+5’) nga penalltia duke shënuar golin e tretë për vendasit, të dytin personal në këtë sfidë joshëse.
Suhareka pas kësaj fitore ka katër pikë, derisa Dukagjini i Ismet Munishit pëson disfatën e dytë në këtë sezon të garave.