FC Suhareka ka vazhduar me stërvitjet e rregullta në vitin e ri kalendarik 2025 për fazën e parë përgatitore ku po mbizotëron një atmosferë ekipore me shumë motivim.

Kjo skuadër të shtunën ka aranzhuar miqësoren e parë ndaj KF  Liria në stadiumin “Përparim Thaqi” në Prizren me fillim nga ora 13:00. Ndërsa fazën e dytë përgatitore do ta zhvillojë në Turqi.

“Faza e dytë e përgatitjeve do zhvendoset në Antalya të Turqisë nga data 15/01 ku do zhvillojmë edhe ndeshjet kontrolluese ndaj disa skuadrave. Për të gjitha të rejat e klubit ndryshimet e lojtarëve dhe gjithçka tjetër do njoftoheni me kohë në rrjetet tona sociale”, thuhet në njoftimin e Suharekës.

/Epoka e re/