Raketat ruse të lundrimit me rreze të gjatë vranë tre persona në qytetin qendror të Ukrainës, Dnipro, kur goditën një fabrikë raketash hapësinore dhe një rrugë aty pranë, thonë zyrtarët lokalë.

Rreth 15 persona u plagosën dhe ndërtesat e banimit aty pranë u dëmtuan.

Fabrika Yuzhmash e Dnipro që gjithashtu ndërton satelitë, midis tyre dhe sateliti i lëshuar në hapësirë nga kompania SpaceX e Elon Musk.

BBC raporton se ministria ruse e mbrojtjes tha se fabrika prodhonte pjesë për raketat balistike ukrainase.

Dy persona të tjerë vdiqën kur dhjetëra raketa ruse u hodhën në Nikopol, në jug të Dnipro, tha një udhëheqës rajonal.

Ndërkohë në veri, raketat ruse goditën banesat gjatë natës në Chuhuiv, një qytet afër qytetit të Kharkiv, duke vrarë tre persona, tha guvernatori i Kharkiv.

Në Kiev thotë ka pasur një rritje të numrit të sulmeve nga ajri, shpesh duke goditur qendrat e qyteteve.

Sirenat e sulmit ajror u dëgjuan në të gjithë Ukrainën mbrëmë, raporton ai.

Një foto grafike nga Dnipro pas sulmit të mëngjesit të sotëm tregon një burrë të shtrirë me fytyrën poshtë, me kokën e tij të mbuluar me gjak.

Thuhet se ai ishte një shofer autobusi lokal që sapo kishte mbaruar turnin.

Ministri rus i Mbrojtjes Sergei Shoigu ka urdhëruar forcat e tij të shtojnë operacionet e tyre në Ukrainë, për të parandaluar sulmet e artilerisë dhe raketave ukrainase në zonat e kontrolluara nga Rusia.

Në një postim në “Facebook”, kryebashkiaku i Dnipros, Borys Filatov u kërkoi civilëve të largoheshin nga qyteti.

“Nuk ka vend për gratë, fëmijët dhe të moshuarit, dhe ata që munden dhe duan të largohen, të largohen”, tha ai.

Kujtojmë se sulmi me raketë ruse vrau të paktën 23 persona dhe plagosi dhjetëra të enjten në Vinnytsia, thanë zyrtarët ukrainas.