![](https://www.epokaere.com/wp-content/uploads/2018/04/A26F89B5-1121-4B7B-AF35-79C103BE95ED.jpeg)
Sulm me raketë në Siri, 26 ushtarë të vdekur
30 prill 2018
| 08:08
Mediat siriane kanë raportuar se një sulm me raketë natën e mbrëmshme ka lënë të vdekur 26 ushtarë pro-qeveritarë në rajonin verior të Sirisë.
Agjencia siriane e lajmeve “SANA” ka cituar më 30 prill një burim ushtarak të ketë thënë se pozicionet në provincat Hama dhe Aleppo kanë qenë “subjekt i një agresioni të ri me raketa armiqësore”.
Vëzhguesi Sirian për të Drejtat e Njeriut me bazë në Britani ka thënë se sulmi duket të jetë kryer nga Izraeli, derisa shumica e të vdekurve kanë qenë iranianë.
Qeveria në Teheran ka dërguar mijëra luftëtarë për të mbështetur forcat e presidentit sirian, Bashar al-Assad në luftën civile shtatëvjeçare.