Një sulm vetëvrasës jashtë një xhamie në Kabul ka lënë të vrarë së paku 26 persona dhe të plagosur 18 të tjerë, ka bërë me dije Ministria e Brendshme e Afganistanit.

Nusrat Rahimi, zëdhënës i kësaj ministrie, i ka thënë “Radios Afganistani i Lirë” se shumica e viktimave të sulmit janë civilë.

Sulmi ka ndodhur derisa banorët e Kabulit po festonin Nevruzin, vitin e ri persian.

Zyrtarët druajnë se numri i viktimave mund të rritet.