Gjykata Themelore në Mitrovicë ka caktuar masën e paraburgimit prej një muaji për Urosh Vukasinoviqin, i cili dyshohet për sulm ndaj gazetarëve më 16 qershor në Leposaviq.

Nënkryetari i Gjykatës së Mitrovicës, Bekim Veliqi, e ka konfirmuar lajmin për “Betimi për Drejtësi”.

Të martën është mbajtur seanca dëgjimore ndaj Vukasinoviqit.

Masa e paraburgimit është caktuar nga gjyqtari i procedurës paraprake, Genc Hasani.

Vukasinoviqi ishte arrestuar më 19 qershor në Leposaviq.

Për sulmet ndaj mediave dhe gazetarëve në komunat në veri, deri më tani janë arrestuar tre serbë.