Pas ndeshjes së mbrëmshme ndaj KB Pejës është sulmuar me gurë autobusi i lojtarëve të KB Bashkimit. Pas këtij sulmi ka reaguar edhe skuadra pejane.

“Si klub e dënojmë këtë sulm dhe i gëzohemi faktit që ka përfunduar pa ndonjë lëndim tek ekipi i Bashkimit. Inkurajojmë Policinë e Kosovës që të hetojë rastin dhe kryesit e kësaj vepre të shëmtuar të dalin para drejtësisë. Shpresojmë që akte të tilla të mos përsëriten më në asnjë vend të Kosovës”, thuhet në reagimin e KB Peja.