Real Madridi ka konfirmuar se Mariano Diaz ka rezultuar pozitiv për COVID-19 dhe se tashmë është izoluar në shtëpinë e vet.

Klubi spanjoll me anë të faqes zyrtare njoftoi: “Pas testimit për COVID-19, ne u njoftuam se futbollisti ynë, MarianoDiaz, ka rezultuar pozitiv. Futbollisti është në gjendje të mirë shëndetësore dhe është izoluar në shtëpinë e vet”.

Më tej, mediat spanjolle kanë bërë me dije se ai nuk ka stërvitur të martën me bashkëlojtarët e tij. Gjithashtu, është konfirmuar se ai nuk ka pasur kontakt me futbollistët e tjerë nga java e kaluar.