Kryetari i Komunës së Hanit të Elezit, Rufki Suma, ka pritur në takim edukatoren e arsimit parafillor në SHFMU “Ilaz Thaçi”, Lebibe Koxha, arsimtarin e SHFMU “Ilaz Thaçi”, Osman Kuqi, dhe punëtorin teknik në SHFMU “Veli Ballazhi”, Shaban Hasallari.

Ky takim është realizuar me rastin e pensionimit të tyre dhe për t’i falënderuar për kontributin e tyre shumëvjeçarë në arsimimin e shumë gjeneratave të nxënësve të Komunës së Hanit të Elezit.

Shumë vite punë në arsim për kryetarin Rufki Suma ishin arsye që këta veteranë të arsimit të Komunës së Hanit të Elezit ta nderohen me mirënjohje duke i uruar për shëndet dhe jetë të gjatë.