Një superkompjuter i Opta-s ka parashikuar renditjen përfundimtare të Premier League dhe tifozët e Arsenalit dhe Manchester United nuk do të jenë të lumtur. Skuadra e Pep Guardiolas është parashikuar të fitojë titullin e pestë radhazi në Premier Ligë, duke e mbyllur kampionatin me 91 pikë.

Ndërkohë, Arsenali i Mikel Artetas parashikohet të përfundojë në vendin e dytë, rreth dhjetë pikë prapa kryesuesve. Liverpool parashikohet të zërë vendin e tretë me 77 pikë, gjë që do të ishte një paraqitje e respektueshme në sezonin e parë të Arne Slot në krye.

Ndërkohë, Chelsea parashikohet të kthehet në Ligën e Kampionëve, duke marrë vendin e katërt përpara Aston Villas në vendin e pestë. Newcastle dhe Tottenham parashikohen të përfundojnë përkatësisht në vendin e gjashtë dhe të shtatë, ndërsa United do ta mbyllë në vendin e tetë, një pozicion që ka të ngjarë t’i kushtojë Erik Ten Hag vendin e punës. Ipswich, Leicester dhe Southampton parashikohet të zënë tre vendet e fundit.