Superliga e futbollit do të vazhdojë sot me dy ndeshje të tjera të xhiros së 24-t. Sfida e parë do të nisë prej orës 12:30, ndërsa do të përballen Prishtina me Dukagjinin.

Bardhekaltrit nuk kanë fituar qe tetë ndeshje dhe fitoren e fundit e kanë regjistruar pikërisht kundër ekipit nga Klina.

Nga ana tjetër, ekipi gjelbër e bardhë vjen nga fitorja ndaj Malishevës dhe i motivuar për të nxjerrë pikë në ndeshjen që do të luhet në Kampin Nacional në Hajvali.

Në duelin tjetër të ditës, Malisheva do të jetë nikoqire e Gjilanit. Ekipi i Bekim Isufit do të mundohet ta harrojë humbjen nga Dukagjini dhe ta fitojë këtë lojë për ta ruajtur pozitën e tretë, që çon në Evropë.

Po aq e rëndësishme kjo lojë është edhe për Gjilanin, i cili me një fitore eventuale do ta barazonte me pikë Malishevën dhe do t’i rriteshin gjasat për të dalë në Evropë në edicionin e ardhshëm.

Kjo xhiro nisi dje me dy ndeshje. Drita e fitoi derbin e madh me Ballkanin për ta bërë një hap gjigant drejt titullit të kampionit, kurse Ferizaj u ngrit në tabelë falë fitores së Llapit, për të cilin kjo humbje ishte një goditje e rëndë.

Xhiroja e 24-t do të mbyllet me ndeshjen e nesërme mes Suharekës dhe Feronikelit ’74.