Ministri i Punëve të Brendshme (MPB), Xhelal Sveçla, ka publikuar një video në “Twitter”, në të cilën është përshkruar se si ka ndodhur rrëmbimi i policëve kufitar të Kosovës nga forcat serbe.

Sveçla ka thënë se rrëmbimi ka qenë i planifikuar dhe se një gjë e tillë është vepër kriminale.

Ai ka thënë se në video tregohet se si forcat serbe me urdhër të presidentit serb, Aleksandër Vuçiq kanë rrëmbyer tre policët, thellë brenda territorit të Kosovës, 1 kilometër brenda.

Ministri Sveçla ka thënë se Serbia duhet të ndalojë fushatën e dezinformimit dhe të lirojë tre policët e Kosovës menjëherë.

“Një rrëmbim i planifikuar. Një vepër kriminale. Videoja e mëposhtme tregon se si forcat serbe, me urdhër të drejtpërdrejtë të Vuçiqit, rrëmbyen zyrtarët tanë të PK-së, thellë në territorin e Republikës së Kosovës. Saktësisht 1 km larg kufirit. Serbia duhet të ndalojë dezinformimin dhe të lirojë oficerët tanë tani”, ka shkruar Sveçla.

A planned abduction. A criminal act.

The video below, shows how Serbian forces, w/direct order from Vucic, abducted our KP officials, deep w/in the territory of 🇽🇰. Exactly 1km away from the border. Serbia has to stop disinformation & release our officers now. pic.twitter.com/XAfpAAkjjt

— Xhelal Sveçla (@XSvecla) June 21, 2023

Në zemrën e Alpeve Shqiptare, në Vuthaj dhe Guci, ndodhet “aorta” “Mountain View INN”