Ismail Syla, dikur këshilltar i ish-presidentit Hashim Thaçi, ka komentuar intervistën e këtij të fundit dhënë për gazetën Nacionale.

Syla për “FIVE” të Dukagjinit, se ish-presidenti dhe ish-kryeministri kosovar përmes kësaj intervistë ka dhënë shumë mesazhe domethënëse.

Ai tutje, ka thënë se Thaçi është një personalitet i cili në supet e veta e ka marrë barrën politike të të gjitha proceseve prej Rambujesë e deri në shpallje të pavarësisë e themelimit të Kosovës.

“Është mëse evidente nota optimiste e presidentit, është thjesht personalitet i cili në supet e veta e ka marrë barrën politike të të gjitha proceseve prej Rambujesë e deri në shpallje të Pavarësisë e themelimit të këtij shteti të ri”, ka thënë Syla.

Ish-këshilltari i ish-presidentit ka thënë se Thaçi ishte arrestuar në mënyrë brutale nga Gjykata Speciale.

“Kjo tregon se ky njeri që është marrë në mënyrë brutale nga detyra e presidentit nuk ka hezituar ti dorëzohej drejtësisë ndërkombëtare, kishte mandat deri më 2020, fakti që është dorëzuar para kohës, është dëshmi për pafajësinë e tij”, ka vijuar ai.

Syla ka përgëzuar edhe gazetën Naconale për intervistën.

“Kjo tregon që kjo gjykatë ka treguar që ka elemente demokratike, një gjë e mirë, si rezultat i profilit njerëzor, një redaksi e bën një kërkesë për një intervistë të tillë, do të ishte diçka e keqe nëse do e kishte stopuar gjykata. Mund të them që është e arritur e gazetarisë kosovare, që nuk është e trembur, e dorëzuar, e frikësuar”, ka theksuar ai.