Trajneri i Kombëtares Shqiptare, Sylvinho është shfaqur i kënaqur me fitoren që djemtë e tij morën ndaj Andorrës me rezultatin 3-0, ndeshje kjo e vlefshme për eliminatoret e Botërorit 2026.

“Jam i kënaqur me këtë fitore. Djemtë e meritonin këtë fitore për të hyrë në garë. Kishim nevojë. Bëmë disa ndryshime të skemave dhe arritëm të fitonim. Varet nga gara për ndryshimet në fushën e lojës. Mendoj se kur bën shumë ndërrime duket sikur ndërron e çorganizojnë lojën. Broja është një lojtar i fortë. I ka të gjitha. Mund ta shohim në të dy krahët, varet nga kundërshtari. Nëse arrijmë një ekuilibër në skuadër ai mund të bëjë më shumë, siç bëri dhe me Anglinë”, ka thënë Sylvinho