Shefi i Zyrës së Bashkimit Evropian (BE) në Kosovë, Tomas Szunyog, ka qëndruar për vizitë në Mitrovicën e Veriut, ku ka takuar kryetarin e ri të Listës Serbe, Zlatan Elekun.

Szunyogu ka theksuar se me Elekun kanë biseduar për një sërë temash duke përfshirë edhe procesin e dialogut.

“Në një vizitë në Mitrovicën e Veriut sot pata një takim njohës me kryetarin e sapozgjedhur të Listës Serbe, dr. Zlatan Elek. Diskutuam një sërë temash, duke përfshirë zgjedhjet e parakohshme lokale dhe procesin e dialogut. I urova suksese në detyrën e re”, ka shkruar Szunyogu në platformën “X”.