![](https://www.epokaere.com/wp-content/uploads/2022/08/images.jpg)
“Ta parandalojmë fatkeqësinë bërthamore”, edhe IAEA në alarm për Zaporizhian
12 gusht 2022
| 08:38
Kreu i Agjencisë Ndërkombëtare të Energjisë Atomike (IAEA) ka kërkuar qasje në termocentralin bërthamor të Zaporizhias sa më shpejt që të jetë e mundur për ta konstatuar sigurinë e tij pas sulmeve të shumta që goditën kompleksin.
“Unë kërkoj që të dyja palët të bashkëpunojnë dhe të lejojnë që një mision i IAEA të vazhdojë sa më shpejt të jetë e mundur”, tha Rafael Mariano Grossi në një fjalim në Këshillin e Sigurimit të OKB-së.
Grossi tha se IAEA kishte marrë përditësime nga Ukraina dhe Rusia, por se informacioni i dhënë ishte shpesh kontradiktor.
“Kështu që unë propozoj, të lutem që të thirret ky mision sa më shpejt të jetë e mundur”, tha ai, duke shtuar se parandalimi i një fatkeqësie bërthamore është përgjegjësi kolektive.