Tahiri: Ballkani perëndimor është drejtimi gjeostrategjik i Kosovës
02 gusht 2021
| 11:48
Ish-ministrja për Dialog, Edita Tahiri, ka komentuar takimin rreth nismës me emërtimin e ri ‘Ballkani i hapur’, e cila u përkrah nga Maqedonia e Veriut, Shqipëria dhe Serbia.
Tahiri përmes një postimi në llogarinë e saj në “Facebook”, ka shkruar se Ballkani perëndimor është drejtimi gjeostrategjik i Kosovës.
Ajo ka theksuar se ‘Ballkani i hapur’ është drejtimi i Serbisë, e cila ka mbetur mes Moskës dhe Perëndimit.
“Ballkani perëndimor është drejtimi ynë gjeostrategjik. Ndërsa ‘Ballkani i hapur’ është drejtimi i Serbisë e cila ka mbetur mes Moskës dhe Perëndimit. Por çfarë pune ka Shqipëria në këtë koncept antiperëndimor, këtë veç Rama mund ta di!”, ka shkruar Tahiri.