![](https://www.epokaere.com/wp-content/uploads/2022/01/tahiro.jpg)
Tahiri, Bislimit: Do ta ndalim mashtrimin e Qeverisë
Shefi i Grupit Parlamentar të AAK-së, Besnik Tahiri, ka reaguar pas deklaratës së zëvendëskryeministrit Besnik Bislimi, i cili iu drejtua atij dhe deputetëve të opozitës se janë duke gënjyer.
Në seancën e Kuvendit, ai tha se këtë “ofendim” nuk e merr si personal, sipas tij, Bislimi e ka ofenduar vetën.
“Zëvendëskryeministri i cili është edhe profesor universitar del edhe thotë po rreni deputetë. A e dini pse thotë? Kjo për shkak se i kanë humbur argumentet me e mbrojt një kauzë politike që e udhëheq. Ka dështuar dhe mundohet përmes ofendimit ta mbrojë”, ka thënë Tahiri.
Ai ka deklaruar se do ta ndalin këtë mashtrim të qeverisë.
“Zëvendëskryeministri del thotë po rreni deputetë. Këtë e thotë sepse ka dështuar dhe mundohet që përmes ofendimit të mbroj një kauzë. Shumë shpejt do të vërtetohet se kjo që ju po e thuani është mashtrimi më i madh që po i bëni qytetarëve. Jeni tu dashtë me kamuflua, do ta ndalim këtë nëse jo në Kuvend do ta ndalim me të gjitha mjetet demokratike. Ruaje veten, mos ofendo”, ka deklaruar Tahiri.