Albin Tahiri ka debutuar në Lojërat Olimpike Dimërore “PyeongChang 2018”.

Skitari Tahiri ka zënë vendin e 37-të nga 65 garues në disiplinën kombinim alpin. Kjo pozitë vlerësohet e suksesshme, bazuar në kushtet që mbretëruan sidomos në garën e sllallomit, ku shumë garues u diskualifikuan. Gara e parë ishte ajo e lëshimit. Qëllimi i tij ishte të mos diskualifikohej në debutim. 28-vjeçari pati kohën 2:23.40 sekonda.