Skitari i Kosovës, Albin Tahiri, do të garojë nesër (e enjte) në kombinim alpin, disiplinë kjo që përbëhet nga lëshimi dhe sllallomi, raporton “Epoka e re”.

Komiteti Olimpik i Kosovës ka bërë më dije se Tahiri synon që të renditet në top 15-she.

“Meqenëse numri i garuesve është vetëm 27 sosh, shkaku i mungesës së normave olimpike të skitarëve në të dyja disiplina, skitarit tonë i janë shtuar ambiciet për të përfunduar në mesin e 15 më të mirëve në Lojërat Olimpike Dimërore ‘Pekini 2022’”, thuhet në njoftimin e KOK-ut.