Kryetari i Komunës së Vushtrrisë, Xhafer Tahiri, ka bërë homazhe në varrezat e të rënëve në Masakrën e Studimes.

Tahiri deklaroi se fshati Studime është dhembja e tyre më e madhe.

“116 civil të vrarë në një ditë të rëndë për Vushtrrinë më 2 Maj 1999. Përgjegjësit e këtij krimi kundër njerëzimit ende nuk janë dënuar nga drejtësia. Serbia vazhdon të mohojë krimin. Krimi në Studime dhe asnjë krim tjetër, as nuk falet e as nuk vjetërsohet. Kërkojmë drejtësi! Lavdi martirëve të lirisë!”, ka thënë Tahiri.