Edhe pse ishte pritur për shumë kohë, Ligji i Pagave në sektorin publik nuk i ka gëzuar shumë prej zyrtarëve publikë.

Anipse pritej që përmes këtij ligji të mundësohet ngritja e pagave, një gjë e tillë duket se nuk ndodhi.

Madje në kuadër të zyrtarëve policorë dhe të tjerëve theksohet se pati rënie të pagës.

Në lidhje me këtë ka reaguar edhe deputeti i Kuvendit të Kosovës nga radhët e PDK-së, Abelard Tahiri.

“Në krizën më të madhe ekonomike që nga paslufta, qeveria e Albin Kurtit degradon pagat e mjekëve të përgjithshëm, teknikëve mjekësor, policëve, ushtarëve, shërbyesve civil si dhe shumë kategorive të tjera që paguhen nga buxheti i Kosovës, ndërsa ia rritë pagën kryeministrit dhe ministrave. Ky veprim degradues, është vulë për dekurajimin e profesionistëve që të qëndrojnë në Kosovë”, ka shkruar Tahiri në “Facebook”.