Ish-kryenegociatorja e Kosovës në dialogun me Serbinë, Edita Tahiri, ka përkujtuar sot 15-vjetorin e miratimit të Kushtetutës së Kosovës.

Tahiri në “Facebook”, ka shkruar se akti më i lartë juridik i Kosovës është shkelur disa herë nga Qeveria e Kosovës.

Më tutje, ajo ka thënë se Kushtetuta as që përmendet në marrëveshjen e Ohrit që u arrit ndërmjet Kosovës dhe Serbisë, më 18 mars dhe sipas saj, kjo marrëveshje duhet të shkojë në Kushtetuese.

“Sot Dita e Kushtetutës të shtetit tonë. U shkel nga qeveria, nuk përmendet në marrëveshje me Serbinë, madje as për asociacion dhe vetëmenaxhim për pakicën serbe. Marrëveshja duhet të shkojë në Gjykatën Kushtetuese!”, ka shkruar Tahiri.