Ish-ministrja për Dialog në Qeverinë e Kosovës, Edita Tahiri, ka vlerësuar se Serbia ka nisur një luftë gjeopolitike në Ballkan.

Sipas saj takimi i kancelares së Gjermanisë, Angela Merkel me liderët e Ballkanit Perëndimor duhet të fokusohet në këtë çështje.

“Sot, takimi i kancelares Angela Merkel me gjashtë krerët e vendeve të Ballkanit Perëndimor duhet të fokusohet në luftën e re gjeopolitike që Serbia ka nisur në Ballkan, Nuk mjafton që vetëm të flitet për bashkëpunim rajonal”, ka shkruar Tahiri në llogarinë e vet në “Facebook”.