Shefi i Grupit Parlamentar të AAK-së, Besnik Tahiri, të martën në Kuvendin e Kosovës ka parashtruar dy pyetje për ministrin e Infrastrukturës, Liburn Aliu rreth asaj se çka është duke ndodhur me magjistralen Prishtinë – Podujevë dhe Prishtinë – Mitrovicë.

“Pyetja është e thjeshtë, kur pritet të përfundojnë punimet në këtë dy magjistrale, në veçanti kur dihet se qytetarët e dy qyteteve janë duke u ballafaquar me shumë vështirësi shkaku i kolonave të shumta dhe se bizneset janë buzë falimentimit”, ka thënë Tahiri, duke iu bashkangjitur edhe një video këtij postimi.