Talibanët kanë kapur tri kryeqytete rajonale në Afganistan përderisa vazhdojnë të kenë përfitime të mëdha territoriale në vend.

Ata, të dielën, morën nën kontroll qytetin kryesor verior të Kunduzit, Sar-e-Pul dhe Taloqan.

Kjo i bie që pesë kryeqytetet rajonale kanë rënë nën kontrollin e militantëve që nga e premtja, me Kunduzin që ishte fitimi i tyre më i rëndësishëm këtë vit, shkruan BBC.

Dhuna është përshkallëzuar në të gjithë Afganistanin pasi forcat amerikane dhe të tjera ndërkombëtare filluan t’i tërheqin trupat e tyre nga vendi, pas 20 vjetësh operacione ushtarake.