Kosova do të ndeshet me Zvicrën me datë 9 shtator në stadiumin “Fadil Vokrri” në kuadër të kualifikimeve për Kampionatin Evropian.

Drejtori i Kombëtares së Zvicrës, Pierluigi Tami, ka thënë se për disa lojtarë kthimi në atdhe do të zgjojë emocione të veçanta.

“Për disa lojtarë kthimi në atdheun e tyre mund të zgjojë emocione të veçanta”, ka thënë Tami.

Granit Xhaka, Xherdan Shaqiri, Ardon Jashari dhe Uran Bislimi janë futbollistët me prejardhje shqiptare që do të jenë pjesë e Zvicrës në ndeshjen e së shtunës. Tri ditë më vonë Zvicra do të ndeshet në shtëpi me Andorrën, kurse Kosova udhëton për përballje me Rumaninë.