Regjisori i njohur amerikan, Quentin Tarantino, dhe gruaja e tij, Daniella Pick, janë bërë prindër për herë të parë.

Një përfaqësues i çiftit në një deklaratë për medie, ka bërë me dije se ata janë të lumtur t’i njoftojnë të tjerët se janë bërë prindër për herë të parë.

“Një djalë i vogël ka lindur më 22 shkurt të vitit 2020”,ka deklaruar përfaqësuesi.

Sipas “The Jerusalem Post”, djali i çiftit ka lindur në spitalin Ichilov në Tel Aviv të Izraelit. Ky është fëmija i parë për të Tarantinon, i cili është në moshën 56-vjeçare.

Emri i djalit të çiftit akoma nuk është bërë i ditur.

Tarantino është takuar me këngëtaren izraelite në Tel Aviv teksa ishte duke promovuar filmin e tij “Inglorious Basterds”. Ata janë martuar në një ceremoni të vogël në Los Angeles në 2018.

Tarantino njihet për regjinë e filmave të famshëm si “Once Upon a Time in Hollywood”, “Pulp Fiction”, “Kill Bill”, “Reservoir Dogs” dhe shumë të tjerë.