Federata e Basketbollit e Kosovës (FBK) ka njoftuar se të dielën më 27 shkurt nga ora 15:00 do të dalin në shitje biletat për ndeshjen Kosovë – Norvegji.

Biletat do të shiten para palestrës “Minatori” në Mitrovicë dhe kushtojnë 3 euro. Për shkak të masave kundër Covidit të shpallura nga Qeveria e Kosovës, numri i tifozëve do të jetë i kufizuar.

Biletat mund t’i blejnë vetëm personat të cilët janë të vaksinuar me dy doza. Në palestër duhet të respektohen masat kundër Covidit, si mbajtja e maskës dhe distanca sociale. Takimi Kosovë – Norvegji zhvillohet të dielën nga ora 19:00 në “Minatori” të Mitrovicës në kuadër të rrethit të parë parakualifikues për Eurobasket 2025.