Një seancë e jashtëzakonshme e Këshillit të Sigurimit të Kombeve të Bashkuara për situatën në Kosovë do të mbahet të enjten më 8 shkurt me kërkesë të Serbisë, njoftoi Radio Televizioni i Serbisë (RTS), duke iu referuar ministrit të Punëve të Jashtme, Ivica Daçiq.

Televizioni raporton se ende nuk dihet nëse seanca do të jetë e hapur për publikun apo jo.

Ambasadori i Serbisë në OKB paraqiti një kërkesë për thirrjen e seancës të hënën.

Siç thuhet, kërkesa tërheq vëmendjen për situatën në Kosovë, për të cilën Serbia thekson se është në kontrast të fortë me Kartën e OKB-së dhe Rezolutën 1244 të Këshillit të Sigurimit të OKB-së.

Në kërkesë, Serbia e cilëson vendimin e Kosovës për ndalimin e qarkullimit të dinarëve si të paligjshëm, me vlerësimin se është “vazhdimësi e masave të dhunës brutale fizike dhe institucionale ndaj serbëve”, dhe se qëllimi është “spastrimi etnik dhe zhdukja e popullsia serbe”.

Bashkësia ndërkombëtare kërkoi nga autoritetet e Kosovës që ta shtyjnë vendimin.

Pamje nga mbledhja e Këshillit të Sigurimit për Kosovën. Në foto: Presidentja e Kosovës (majtas), Vjosa Osmani dhe kryeministrja e Serbisë, Ana Bërnabiq. Foto: UN