Më 13 mars, e mërkurë, në Kompleksin e varrezave të heronjve në Grykën e Geriçec-Carralevës do të bëhen homazhe me rastin e 6-vjetorit të ndarjes nga jeta të komandant Gurit, Jetullah Qarrit.

“Në gjashtëvjetorin e ndarjes nga jeta të heroit të Kosovës Komandant Gurit – Jetullah Qarri, më 13.03.2024 (e merkur), nga ora 10:00, do të organizohen homazhe dhe do të vendosen kurora lulesh në Kompleksin e Varrezave të Heronjve, në Grykën e Geriçec-Carralevës, ku tani pushon Komandanti i Brigadës 60 DV-PSHP të UÇK-së. Lavdia për Komandant Gurin – Jetullah Qarri do të jetë e përjetshme kurse kujtimi dhe nderimi obligim dhe nder për të gjithë ne. Lavdi dëshmorëve të kombit!”, është bërë me dije në njoftimin e Brigadës 60 të publikuar në “Facebook”.