Policia çeke thotë se disa njerëz janë vrarë dhe dhjetëra janë plagosur nga të shtënat e raportuara pranë një universiteti në qendër të Pragës.

Policia tha se personi i armatosur ishte “eliminuar” dhe se ndërtesa ishte duke u evakuuar.

Mediat çeke raportuan se të paktën 11 persona vdiqën në incident, duke përfshirë edhe personin e armatosur.

Stafit të universitetit iu tha të “qëndrojnë në vend”, të barrikadojnë veten në dhoma dhe të fikin dritat, raportoi agjencia e mediave “Reuters”.

Raportet sugjerojnë se incidenti ka ndodhur në Fakultetin e Arteve të Universitetit Charles, që ndodhet në sheshin Jan Palach.

Autoritetet thanë se i gjithë sheshi dhe zona përreth ishin të mbyllura.

Policia tha se ngjarja po vazhdon dhe u bëri thirrje qytetarëve që të qëndrojnë larg vendit të ngjarjes dhe të qëndrojnë brenda.

“Papritur dëgjova të shtënat,” tha një dëshmitare që tha se ishte në vendin e ngjarjes për gazetën çeke Mlada Fronta Dnes.

Universiteti Charles ndodhet në qytetin e vjetër të Pragës, rreth 500 metra nga Ura historike e Karlit, një magnet turistik.

Praga right now #prague #praga pic.twitter.com/zhxoFeazTp

— Leo Menindez (@LeoMenindez) December 21, 2023