Zyrtarët afganë kanë bërë me dije se të paktën 14 zyrtarë policorë janë vrarë në disa sulme të talibanëve në provincën Ghazni.

Anëtari i këshillit provincial, Hassan Reza Yusufi, ka thënë se shtatë zyrtarë janë vrarë në një sulm të distriktin Dih Yak.

Zëdhënësi i guvernatorit të Ghaznit, Arif Noori, ka thënë se shtatë zyrtarë të tjerë janë vrarë në distriktin Jaghatu.

Yusufi ka thënë se sulmet kanë nisur më 21 maj dhe luftimet kanë vazhduar edhe më 22 maj, raporton “Rel”.

Një zëdhënës i talibanëve ka thënë se grupi është përgjegjës për sulmin.

Sulmet kanë ndodhur pasi luftimet janë shtuar rreth Afganistanit pas nisjes së ofensivës pranverore të talibanëve.

Më 15 maj, të paktën 21 zyrtarë policorë janë vrarë në pesë distrikte në Ghazni pas nisjes së sulmeve të talibanëve kundër forcave të sigurisë afgane.