Të paktën 27 persona kanë humbur jetën pas rrëzimit të një avioni të vogël, mbi një lagje të populluar në qytetin Goma, në Republikën Demokratike të Kongos.

Avioni, që operohej nga kompania lokale Busy Bee, është përplasur vetëm pak kohë pasi ishte nisur nga qyteti Beni, kanë thënë autoritetet.

Kompania ka thënë se avioni i tipit “Dornier 228-200” kishte 16 pasagjerë në bord dhe dy anëtarë të ekuipazhit.

Në mesin e viktimave janë edhe personat që kanë qenë në tokë, në momentin e rrëzimit të avionit.

Ende nuk dihen shkaqet që kanë shkaktuar këtë aksident. /Rel/