Tekelomi i Kosovës ka bërë me dije se është duke vazhduar të jetë prezent në të gjitha pikat shitëse si dhe në pikat e Postës së Kosovës, në mënyrë që konsumatori t’i ketë në dispozicion të gjitha shërbimet që ofron kjo kompani.

“Si kompani publike jemi duke kryer me përgjegjësi të lartë të gjitha obligimet tona që kemi, lusim të gjithë konsumatorët që shërbimet e internetit të përdoren në mënyrë racionale që të mos kemi mbingarkesë të këtyre shërbimeve”, ka njoftuar Tekelomi i Kosovës

Njoftimi i plotë i Telekomit të Kosovës:

Të nderuar qytetarë,

Duke pasur parasysh faktin se shërbimet që ofron Telekomi i Kosovës janë pjesë e infrastrukturës vitale me rëndësi të veçantë për të gjitha institucionet e Republikës së Kosovës dhe qytetarëve të saj, kompania është e përcaktuar që me përkushtim të realizojë të gjitha aktivitetet dhe operimet e domosdoshme për të ofruar shërbimet e vazhdueshme në përballimin e nevojave të shtetit dhe të qytetarëve në këtë situatë dhe kur e kërkojnë interesat e mbrojtjes nacionale e të sigurisë së rendit publik.

Angazhimi i stafit tonë në të gjitha departamentet për të mbajtur në funksion çdo shërbim është mbi çdo nivel edhe pse me staf të reduktuar.

Telekomi i Kosovës po vazhdon të jetë prezent në të gjitha pikat tona shitëse si dhe në pikat e partnerit tonë strategjik Postës së Kosovës, vetëm dhe vetëm që konsumatori ynë t’i ketë në dispozicion të gjitha shërbimet tona dhe atë pa as edhe një problem.

Partneri ynë për rishitjen e mbushjeve ka furnizuar me mbushje të gjitha marketet, pikat e karburantit dhe gjitha pikat tjera ku shihni shenjën “VALA”.

Telekomi ka menduar që me produktet tona të furnizohen të gjithë konsumatorët tonë që janë duke qëndruar në shtëpi duke përdorur E-SHOP-in tonë.

Si kompani publike jemi duke kryer me përgjegjësi të lartë të gjitha obligimet tona që kemi, lusim të gjithë konsumatorët që shërbimet e internetit të përdoren në mënyrë racionale që të mos kemi mbingarkesë të këtyre shërbimeve.

Urojmë kjo gjendje të kalojë sa më shpejtë, KUJDES PO, PANIK ASNJËHERË!