Televizorët Lifestyle marrin verifikimin ‘Glare-Free’ nga UL, certifikimin ‘Eye Care’ nga VDE në Gjermani.

Njëzet modele të reja QLED janë ekranet e para në botë të emëruara ‘Pantone Validated’.

Samsung Electronics njoftoi se televizorët QLED dhe Lifestyle 2022 janë njohur nga institutet kryesore të certifikimit global për sigurinë e syve dhe teknologjinë e ngjyrave. Lajmi vjen pasi kompania zbuloi televizorët më të rinj, QLED dhe Lifestyle në CES 2022.

Televizorët Samsung Lifestyle 2022 fituan certifikatën ‘Eye Care’ nga Verband Deutscher Elektrotechniker (VDE) në Gjermani, një nga shoqatat më të mëdha tekniko-shkencore të Evropës me më shumë se 36,000 anëtarë. Certifikimi zbatohet për modelet e televizorëve Samsung Lifestyle 2022 – The Frame, The Serif dhe The Sero. Ekranet vlerësohen në kategori të ndryshme, duke përfshirë ‘Safety’, ‘Gentle to the eyes’, uniformitetin dhe balancën e ngjyrave.

Televizorët e rinj Lifestyle u vlerësuan për sigurinë nga emetimi i dritës blu dhe nivelet e frenimit të melatoninës bazuar në një metodë klasifikimi të rrezikut nga drita e vendosur nga International Electrotechnical Commission (IEC). Televizorët Samsung Lifestyle 2022 plotësojnë standardet e IEC për dridhjen e ekranit, gjë që mund të shkaktojë lodhje të syve ose dhimbje koke për shikuesit. Gjithashtu, ato u dalluan për përsosmërinë në balancën e ngjyrave dhe uniformitetin e cilësisë së figurës.

Televizorët Samsung Lifestyle 2022  u verifikuan gjithashtu si “Glare-Free” nga Underwriters Laboratories (UL), një kompani lider e shkencës së sigurisë. Verifikimi i UL vlerëson produktet kundrejt standardit të testimit Unified Glare Rating (UGR) të vendosur nga International Commission on Illumination (CIE). Modelet e reja të televizorëve Lifestyle të Samsung përdorin një ekran të ri mat me veti anti-shkëlqim, anti-refleks dhe kundër gjurmëve të gishtërinjve për të dhënë shkëlqimin optimal dhe për të ofruar cilësinë më të mirë të figurës.

• Reflected Glare, i cili përcakton nëse objektet në ekranin e televizorit janë të dukshme edhe kur drita e jashtme reflektohet në sipërfaqe
• Discomfort Glare, i cili përcakton nëse ekrani i televizorit është shumë i ndritshëm
• Disability Glare, i cili përcakton nëse ekrani i televizorit është tepër i ndritshëm kur shikon televizor në një dhomë të errët.

Këto vlerësime të shkëlqimit u llogaritën bazuar në rezultatet e testit të shikimit të televizorit si në 300 lux, që është ekuivalente me një zonë me ndriçim të fortë, ashtu edhe në 70 lux, që është zakonisht vlera për një zonë me ndriçim të dobët.

Për më tepër, të gjitha modelet e reja QLED të Samsung 2022 morën certifikatën e parë në botë ‘Pantone Validated’ nga Pantone, marka me famë botërore në industrinë globale të ngjyrave dhe krijuese e Pantone Matching System (PMS).

Këtë vlerësim nga Pantone e kanë 20 modelet që sapo janë lançuar – 15 televizorët QLED në 4K dhe 8K dhe pesë monitorë. Linja e televizorëve QLED 2022 e Samsung u njoh për shprehjen e saktë të 2030 ngjyrave Pantone dhe 110 nuancave të toneve të lëkurës që janë shtuar së fundmi.

“Ndërsa televizorët bëhen gjithnjë e më shumë një qendër argëtimi në shtëpi, ka një kërkesë në rritje për ekrane me cilësi të lartë të figurës që minimizojnë lodhjen e syve,” tha Seokwoo Yong, Zëvendës Presidenti Ekzekutiv dhe Shefi i Ekipit të R&D, Visual Display Business në Samsung Electronics. “Kjo njohje nga institutet kryesore globale vërteton teknologjinë tonë që ofron imazhet më të mira së bashku me përvojën më komode të shikimit.”