Në Paris është shënuar temperatura me e lartë, prej se kanë filluar matjet metereologjike nga ana e njeriut, ka thënë Instituti francez për metereologjinë.

Temperatura e regjistruar të enjten ka qenë 40.6 gradë celsius, më e lartë se ajo e vitit 1947, e cila ka qenë 40.4 gradë celsius.

Vala e të nxehtit ka përfshirë edhe pjesë tjera të Evropës.

Ndërkohë, institucionet për parashikimin e motit në Britani të Madhe, kanë thënë se temperatura më e lartë për muajin korrik – 36.9 celsius është regjistruar më 25 korrik.

“Ne kemi thyer rekordin maksimal të temperaturës së korrikut”, është thënë në njoftimin britanik.
Temperaturat në Holandë, për herë të parë, kanë kaluar mbi 40 gradë celsius, por Instituti Kombëtar i Meteorologjisë, ka bërë me dije se do të hetonte matjet për të siguruar se ato ishin të sakta.

Është paralajmëruar se Gjermania, Holanda, Luksemburgu dhe Zvicra gjithashtu mund të përballen me temperatura që tejkalojnë 40 gradë celsius.