Manchester United pësoi humbje nga Copenhagen (4-3), në kuadër të grupeve në Ligën e Kampionëve.

Pas kësaj humbje, Trajneri Erik Ten Hag u ankua për kartonin e kuq të dhënë ndaj Rashfordit në fund të pjesës së parë. Derisa ka thënë se skuadra e tij ka dominuar edhe me dhejtë futbollistë.

“Ai karton i kuq dhe mënyra se si u gjykua kjo ndeshje, nuk ka të bëjë fare me futbollin. Në golin e parë të Copenhagen një lojtar i tyre qëndronte para Onanas dhe ai gol duhej anuluar për pozicion jashtë loje. Kjo ndeshje nuk duhej të shkonte në këtë mënyrë, nuk ka lidhje me futbollin. Jam dakord që gjyqtarët duhet të marrin vendime të vështira në fushë dhe mund të gabojnë, por jo në këtë mënyrë. Më mbetet vetëm të marr më të mirat e ndeshjes, më pëlqeu fakti që edhe me 10 lojtarë sërish ishim në kontroll të lojës. Sjellja e skuadrës në fushë ishte e shkëlqyer, nuk mund t’i bëj asnjë kritikë ekipit”, ka thënë Ten Hag.