Ten Hag për Ronaldon: I përket së kaluarës
28 dhjetor 2022
| 12:06
Manchester United shkëlqen pa Cristiano Ronaldon, “djajtë e kuq” e rinisin me një fitore të bukur 3-0 përballë Nottingham Forest.
Në “Old Traford”, ofensiva e Ten Hag ishte e kolauduar në perfeksion ku dyshja Rashford-Matrial gjetën dy herë rrugën e rrjetës brenda 22 minutave. Rashford finalizoi me shumë klasë brenda në zonë një skemë perfekte nga goditja e këndit ndërsa pak minuta më pas dhuroi një asistim për Matrial.
Në fundin e ndeshjes, në minutën e 87-të, ishte Fred që sigloi shifrat përfundimtare në 3-0. Ten Hag u ngacmua sërish në lidhje me Ronaldon: “Unë shoh një skuadër shumë të uritur, nuk shoh pas, por vetëm të ardhmen. Ronaldo zgjodhi të na përshëndeste, tani ai nuk bën më pjesë e grupit”.